Plantun de Prouvènço

Pèr coumpara dos planto d'encò nostre

Bromus lanceolatus & Potamogeton coloratus

Bromus lanceolatus

Poaceae Graminaceae

Noms en français : Brome lancéolé, Brome à grands épillets.

Descripcioun :
Aquéu senòbi trachis dins li tepiero seco, ermas, culturo e escoumbre pulèu en basso Prouvènço, que mounte gaire en mountagno. Sèmblo proun au senòbi-faus-òrdi, Bromus hordeaceus, pamens lis espigueto fan toujour mai que 2,5 cm (< 2,5 cm encò B. hordeaceus) e l'arèsto, di proun torso, es estacado à pu de 2 mm de la pouncho de la lemma.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 90 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Bromus
Famiho : Poaceae
Famiho classico : Graminaceae
Tribu : Triticeae
Ordre : Poales

Coulour de la flour : Verdo
Petalo : ges
Ø (o loungour) enflourejado : 10 à 15 cm
Flourido : Printèms

Sòu : Ca
Autour basso e auto : 0 à 600 m
Aparado : Noun
Mai à jun

Liò : Tepiero seco - Ermas - Escoumbre e proche dis oustau - Culturo
Estànci : Termoumediterran à Coulinen
Couroulougi : Paleoutemperado
Ref. sc. : Bromus lanceolatus Roth, 1797

Espigo-d'aigo(-encoulourido)

Potamogeton coloratus

Potamogetonaceae

Autre noum : Poutamot.

Noms en français : Potamot coloré, Potamot plantain.

Descripcioun :
Aquesto espigo-d'aigo èi coumuno soulamen dins li plano de coustiero. Li fueio, de verdo à roujo, laisson tóuti passa lou lume e se vèi li costo. Li fueio que nadon fan de 3 à 9 cm de long e de 2 à 5 cm de larjo, alor que li d'aigo fan de 3 à 9 cm X 2 à 5 cm. L'espigo èi pas trop longo e pòu èstre siegue dins l'èr o dins l'aigo.

Usanço :
Sara peréu escricho dins quàuqui tèms.